RHF, D-15096.

et

Opus Dei

Ut ad cathedram Petri, Christi Vicarii, cuius dignitas in Beatissimo Domino Nostro, Ipsius herede, quin deficiat claris fulgoribus perpetuo splendet (cfr. S. Leo, Sermo II, in Anniversario Assumptionis suae), et ad gloriosum S. Pauli, Doctoris gentium, sepulchrum, superaedificatum super fundamentum Apostolorum Ipsique Angulari lapidi Christo lesu firmiter inhaerens (Eph. II, 20) solidum ac securum aedificium crescat nostrae catholicae et apostolicae culturae ac formationis tam in illis dilectis filiis nostris, qui ad sacerdotium destinantur, quam in aliis qui divina vocatione praelia Domini ubique omnibusque modis et armis saeculari nobili ratione praeliari debent, auditis et consentientibus nostris Consultoribus, Collegium ex omni natione Operis Dei in Urbe constituere decrevimus.

Quam ob rem, Christo Salvatore ac Domino Nostro suppliciter fidenterque invocato, Beatae Mariae Virginis, dulcissimae Matris nostrae, tutelae ac praesidio re commendata, atque Sanctorum Archangelorum Michaélis, Gabrielis et Raphaélis, et Sanctorum Apostolorum Petri, Pauli et loannis patrocinio confisi, hoc nostro decreto, Collegium ex omni natione Operis Dei, quod ad omnes effectus, qui ex nobis pendent, hodie erigimus atque erectum declaramus.

Quod Collegium Romanum Operis Dei, in cuius praeparatione et erectione suavem providamque aeterni Numinis opem persensimus et experti sumus, ut in dies vigeat, crescat, foreat fructusque optimos edat, paterno animo ominamur incensaque prece a Deo efllagitamus.

Dabamus Romae ad limina Apostolorum, in festo SS. App. Petri et Pauli, die XXIX iunii, anno MDCCCCXXXXVIII.

L + S                                                        Josemaría Escrivá de B.

Indice del Apéndice Documental de “El itinerario jurídico del Opus Dei. Historia y defensa de un carisma”.

Volver al índice general de “El itinerario jurídico del Opus Dei. Historia y defensa de un carisma”.