AGP, Sezione Giuridica, IV/12251.
PIVS PP. XII
AD PERPETUAM REI MEMORIAM
Cum SOCIETATIS SACERDOTALIS SANCTAE CRUCIS ET "OPUS DEI", quam dilectus filius IOSEPH MARIA ESCRIVA DE BALAGUER Y ALBAS, Sacerdos, Doctor, tam magnifice constituit tamque humaniter moderatur, ardenti studio, mirae operae laborique fructuosissimo par sit Nostra quoque fervida consensio ac propensa voluntas, periucundum nunc Nobis est hisce in Litteris, quarum tenore eiusdem piae Societatis Sodales spiritualibus Indulgentiarum muneribus decoramus, uberrimorum repetere memoriam fructuum quos, pro Dei gloria animarumque salute, praeclarus Conditor brevi temporis spatio sed constanti industria et diligentia sua percipere potuit. Nam, vehementer gratulante ac peramanter benedicente Venerabili Fratre Matritensium Episcopo, in ipsa civitate Matritensi die II mensis Octobris anno MCMXXVIII orta, co consilio ut eius Sodales in eruditione ac doctrina praestantes praecipueque earum magistri divinis praeceptis obtemperent atque, ad instar religiosorum sed in saeculo viventes, Christianae vitae perfectionem persequantur, Societas avide se promisit et impensius incubuit in iuvenum superiores scholas ac studiorum Universitates celebrantium mentes fingendas ad humanitatem, ad virtutem, ad religionem. Non modo intra Hispaniae fines sed in longinquas quoque regiones, favente Deo, se pandit beneficus Sodalium labor, ut lux videlicet et ventas Christi in mentes pervaderet praecellentium eruditorum utque hi quoque vicissim lucem veritatemque Christi exemplo ac doctrina cum aliis communicarent. Nec silentio praetermittendus est apostolatus benemeriti illius Sacerdotis, qui, charitatis spiritu infammatus, pauperibus pueris egenisque aegrotis consuluit, eorumque animos religiosis sensibus ac sana doctrina imbuendos curavit; quique fructuosissime constanterque a spiritualibus adfuit viris laicis vel sacerdotibus vel etiam religiosis, qui acres et industrii in mentis et religionis agitatione apud Hispanos fuerunt et etiamnunc exstant. Quae cum ita sint, enixis Nos votis peramanter annuendum censemus, quae benemeritus Praeses supra laudatae Societatis Sacerdotalis Sanctae Crucis et "Opus Dei" ad Nos humiliter tulit, benigne quoque fervidis precibus attentis dilecti filii ALVARI DEL PORTILLO Y DIEZ DE SOLLANO, sacerdotis, doctoris, eiusdem Instituti Procuratoris Generalis. Quo tam frugífera Societas potiora capiat, opitulante Deo, incrementa, Nos, Apostolica Nostra Auctoritate, praesentium Litterarum tenore, omnibus et singulis utriusque sexus Christifidelibus, qui in praelaudatam Societatem seu Opus ascribentur, die primo eorum ingressus, si, vere paenitens et confessi, Sanctissimum Eucharistiae Sacramentum sumpserint, PLENARIAM; -pariterque omnibus et singulis Sodalibus nunc adlectis vel in posterum ipsam in Sodalitatem sive Opus adlegendis, item paenitentibus et confessis ac Sacra Communione refectis, -quo die unusquisque eorum Sodalitati, ad tempus, se obtulerit vel fidelitatis, perpetuo, verba conceperit; -semel in mense, si ad sua liberalia opera integrum per mensem cotidie aliquam piam adiunxerit invocationem; -in festis diebus Domini Nostri lesu Christi et Beatae Mariae Virginis, in Kalendario Ecclesiae universalis significatis, Sanctorum Archangelorum Michaelis, Gabrielis et Raphaelis, Sanctorum Angelorum Custodum, Sancti Iosephi, Deiparae Virginis Sponsi, Sanctorum Petri et Pauli Apostolorum, Sancti Ioannis Evangelistae, Omnium Sanctorum; -die XIV mensis Februarii, si peculiar¡ Sacrae functioni pro gratiarum Deo actione adstiterint, etiam PLENARIAM; -ac sodalibus nunc adlectis vel in posterum ipsam in Societatem sive Opus adlegendis, in cuiuslibet eorum mortis articulo, si, item vere paenitentes et confessi ac Sacra Communione refecti, vel, quatenus id (acere nequiverint, saltem contriti, Sanctissimum lesu nomem ore, si potuerint, in minus corde devote invocaverint et mortem de manu Domini, tamquam peccati stipendium, patienter susceperint, PLENARIAM similiter INDULGENTIAM misericordíter in Domino concedimus. Praeterea iisdem Sodalibus, qui, saltem corde contrito, in suis liberalibus operibus, ut supra, aliquam piam adiunxerint invocationem; -et qui Sanctae Crucis signum, in oratoriis Instituti erectum, pia mente deosculati fuerint vel coram ipso aliquam piam precem iaculatoriam recitaverint, quingentos dies de iniunctis eis, seu alias quomodolibet debitis paenitentiis in forma Ecclesiae consueta relaxamus. Quas omnes et singulas Indulgentias et paenitentiarum relaxationes, excepta plenaria Ç in articulo mortis lucranda, etiam animabus Chistifidelium in Purgatorio detentis per modum suffragii applicari posse indulgemus. Contrariis quibuslibet nihil obstantibus. Praesentibus perpetuo valituris. Volumus autem ut praesentium Litterarum transumptis seu exemplis, etiam impressis, manu alicuius Notarii publici subscriptis ac sigillo personae in Ecciesiastica dignitate vel officio constitutae munitis, eadem prorsus fides adhibeatur, quae ipsis praesentibus adhiberetur, si exhibitae ve¡ ostensae forent.
Datum Romae, apud Sanctum Petrum, sub anulo Piscatoris, die XXVIII mensis Iunii, in festo SS. Cordis lesu, anno MCMXXXXVI, Pontificatus Nostri octavo.
De speciali Sanctissimi mandato
Pro Domino Cardinal¡ a Secretis Status
L + S Dominicus Spada
a Brevibus Apostolicis
Volver al índice general de “El itinerario jurídico del Opus Dei. Historia y defensa de un carisma”.