AGP, Sezione Giuridica, V/15032.
EX SECRETARIA N. 6592/49
SACRAE CONGREGATIONIS
DE RELIGIOSIS
Beatissime Pater,
Sac. Ioseph Maria Escrivá de Balaguer, Praeses Generalis Instituti Opus Dei, ad S.V. pedes humiliter provolutus, ut vita perfecte Deo et ammabus in Instituto consecrata membris sic dictis Supernumerariis plenius atque strictius extendi et applicari valeat, facultatem exposcit novam introducendi in Instituti constitutionem ac compaginem praedictorum membrorum figuram quae satis utilis atque efficax futura praevidetur. Ipsa postquam opportuno tempore convenienter probata ac limata videbitur in Constitutionem corpus ex benigna S. V. concessione recipi valebit. Haec nova Supernumerariorum membrorum figura his brevibus tractibus defniri clare potest:
1°. Inter membra Supernumeraria nova admittenda videtur figura seu classis, quae nomine Supernumeraria Interna ab aliis discernitur.
2°. Supernumerarii Interni, illi, Superioris iudicio, viri ac mulieres in respectivis Sectionibus reddi possunt qui licet non omnia requisita forsan habeant quae pro membris stricte dictis in Instituti Constitutionibus exiguntur, tamen cum coelibes vel ab omni vinculo liberi vel soluti sint, vitam integram Deo et animabus ad instar Numerariorum plene consecrare solide ac fortiter volunt.
3°. Supernumerarü Interni omnia officia Numerariorum suscipiunt, et ipsorum identicis mediis asceticis ad assequendam perfectionem uti debent.
4°. Ad Admissionem recipit Consiliarius, prout fit ad complendam Admissionem Numerariorum: itemque, ad Oblationem et-Fidelitatem accipit socios Supernumerarios Internos Consiliarius, servatis normis n. 325, 1.°.
5°. Oblatio et Fidelitas secumferunt pro Supernumerariis Internis ea ipsa et omnia officia et obligationes quae pro Numerariis: et vinculum quo illa membra cum Instituto ligantur est pariter mutuum ac pienum. Proinde, cum omnia requisita consecrationis vitae pro membris stricto sensu Institutorum Saecularium in Const. "Provida Mater Ecclesia" recensita habeant, Supernumerarii Interni in statu completo perfectionis adquirendae de facto sunt, licet in Instituto a membris strictiore sensu ad normam n. 1 Constitutionum sumptis apte sint distinguendi.
6°. Vivere possunt privatim, ab aliis membris Instituti seiuncti, quod in genere opportunius videtur: sed etiam de iudicio Consiliarü una cum Defensore vel Sacerdote Secretario, vitam familiae in Instituto ducere valent, in Centris aut domibus proprüs, in quibus ordinarie labores apostolatus evolvuntur apud gentes propriae classis socialis.
7°. Munera regiminis in Instituto non habent: sed Consiliarius Regionalis, una cum Defensore vel Sacerdote Secretario, inter ipsos seligere potest sic dictos Consultores, quo melius labores apostolicos in proprio uniuscuiusque Consultoris coetu sociali evolvantur.
8°. Quoad fieri possit et in servitium Sanctae Ecclesiae, moderare conantur activitates -tum officiales cum privatas- sociales, professionales, oeconomicas, etc., illorum qui propriae classi et condicioni sociali pertinent.
Vigore facultatum a SS.mo Domino Nostro concessarum, Sacra Congregatio Negotiis religiosorum Sodalium praeposita benigne annuit pro gratia iuxta preces, contrariis quibuslibet minime obstantibus.
Datum Romae, ex Aedibus Sacrae Congregationis, die 8 Septembris 1949.
P. Arcadius Larraona
Subs.
Ph. Schioppa, Ad. a Studiis.
Volver al índice general de “El itinerario jurídico del Opus Dei. Historia y defensa de un carisma”.