Rescripto de la Sagrada Congregación de Religiosos sobre circunscripciones territoriales del Opus Dei; 25-X-1948.

“El itinerario jurídico del Opus Dei. Historia y defensa de un carisma”. Libro escrito por A. de Fuenmayor, V. Gómez-Iglesias y J. L. Illanes

AGP, Sezione Giuridica, V/15609.

N. 10106/48

EX SECRETARIA

SACRAE CONGREGATIONIS

DE RELIGIOSIS

Beatissime Pater,

Alvarus del Portillo, Procurator Generalis Instituti Opus Dei, ad Sanctitatis Vestrae pedes humillime provolutus, fiducialiter de mandato Praesidis Generalis Instituti nostri,. expostulat gratiam qua ipse Institutum non tantum in Regiones -uti iam benigne approbatum in Constitutionibus n. 276 fuit-, sed etiam in alias circumscriptiones prout infra dividi possit:

1. °. Quasi-Regiones independentes, id est, quae directe ab Instituti Praeside Generali pendent. Superiores Maiores earum aequiparantur Superioribus Maioribus Regionum, et ordinaria quidem, sed vicaria Praesidis Generalis potestate propriam quique Quasi-Regionem regunt. Praeses Generalis cum suo Consilio potest eas erigere et erectas supprimere ve¡ aliter definire, auditis eis quorum intersit. Ad munera Commissionis et Assessoratus nominat Pater (Const. 277). Ipso facto erectionis Quasi-Regiones independentes iuridicam acquirunt personalitatem (c. 531).

2.°. Quasi-Regiones dependentes a Consiliario Regionali, cuius Regionis hae novae circumscriptiones partes sunt. Superiores maiores earum habent ordinariam, sed vicariam Consiliarii Regionalis, et illis insuper gaudent facultatibus quae a Consiliario Regionali, Patre consentiente, fuerint delegatae, Praesidis Generalis est Quasi-Regiones dependentes erigere, mutare atque supprimere, auditis Consilio Generali et Consiliario Regionali cum propria Commissione. Ad munera Commissionis et Assessoratus Quasi-Regionalis dependentis nominat Pater, audito Consiliario Regionali una cum propria Commissione vel Assessoratu.

3.°. Delegationes quae a Praeside Generali immediate pendent. Erigi possunt quoties Praeses Generalis cum suo Consilio id duxerit expedire. Moderator uniuscuiusque Delegationis nominatur a Patre et ab ipso delegatam illam habet potestatem, quam Pater iuxta casus, intra limites tamen facultatum Consiliariorum Regionalium, committendam censuerit.

4.°. Delegationes dependentes a Consiliario Regionali, cuius Regionis partes sunt. Earum Moderatores illis tantum gaudent facultatibus, quas ipsis Consiliarius Regionalis, cum voto deliberativo suae Commissionis et Patre probante, delegaverit. Erigi possunt a Patre, audito Consilio Generali eisque quorum intersit. Moderatores nominantur a Consiliario Regionali, de consensu Commissionis vel Assessoratus Regionis, sed designatio a Patre confirmara debet.

Et Deus, etc.

Vigore facultatum a SS.mo Domino Nostro concessarum, Sacra Congregatio Negotiis Religiosorum Sodalium praeposita benigne annuit pro gratia iuxta preces, contrariis quibuslibet minime obstantibus.

Datum Romae, ex Aedibus Sacrae Congregationis de Religiosis, die 25 octobris 1948.

+ fr. L. E. Pasetto

Secr.

P. Arcadius Larraona CMF

Subs.

A. de Fuenmayor, V. Gómez-Iglesias y J. L. Illanes