AGP, Sezione Giuridica, 111/15081.

OBISPADO DE MADRID-ALCALA

REV. DUS DOMINUS JOSEPH MARIA ESCRIVA DE BALAGUER Y ALBAS, RECTOR REGII PATRONA TUS A SANCTA ELISABETH, MATRITI CONSTITUTI.

Aragoniae in Barbastrensi civitate natus die 9 ianuarii anni 1902, cuius Joseph Escrivá de Balaguer Corzán et Maria a Virgine Perdolente Albás y Blanc parentes exstiterunt..

1) STUDIA

Academicos gradus prolithae ac laurea Iuris Civilis apud Caesaraugustanam ac Matritensem Studiorum Universitates obtinuit, Summa cum laude lauream consecutus.

In Pontificia Universitate Caesaraugustana, tunc existenti, integros quinque Sacrae Theologiae curriculos, maximis obtentis qualificationibus, perfecit.

Nondum sacerdos sed per primam tantum tonsuram inter clericos cooptatus, ab Em.mo Cardinal¡ Soldevila, Moderator Seminarii a Sancto Francisco de Paula renuntiatus est.

2) APOSTOLATUS

a) Pauperes

Ut dissertationem ad lauream pararet, anno 1927, Matritum perrexit. Atque, sacerdotali ministerio assidue deditus, scientificis laboribus non obstantibus, ibi ab anno 1927 ad annum usque 1931 opus apostolicum exercuit inter pueros pauperes ac aegrotos egenos, quos domibus suis per miserrima civitatis suburbia quotidie invisebat.

Dein, cum operis apud Universitatis studiosos magnitudo ut illud activitatis sacerdotalis genus relinqueret, Rev.mo Episcopo approbante, coégerit, non praetermisit quin singulis dominicis aegrotos pauperes in Generali Valetudinario visitaret.

b) Universitaria

Mense octobri anni 1928, de consensu Rev.mi Antistitis Matritensis-Complutensis, assidua oratione ac iugi poenitentia comitantibus, intensum ac firmum laborem formationis apostolicae inter iuvenes Universitatis auditores atque Specialium Superiorumque Scholarum alumnos, interioris vitae et professionalis perfeetionis cultu mediante, evolvere incepit. Quod quidem opus tacitum, in directum profundum validissimumque Ecclesiae servitium ordinatum, et ab initiis a plurimis Episcopis toto ex corde benedictum . A plurium urbium Universitatum professoribus et alumnis crebro ad exercitia spiritualia dirigenda sive spiritualis secessus dies ordinandos vocatur: notatu dignum est opus apud Universitatem Aestivam Iacensem (Caesaraugustanam, Universitatem Status) suis conferentiis nuper peractum. Ut huc labor erga Universitatis studiosos facilior redderetur ab Apostolica Sede, rescripto diei 20 augusti 1940, privilegium Altaris Portatilis concessum fuit.

Vir quidem qui problema Hispanae Universitatis penitus perspectum habet, dum Consilium Nationale Educationis constitueretur, Consiliarius Nationalis cooptatus est, unicus sacerdos cleri saecularis qui, una cum tribus Rev.mis Episcopis paucisque religiosis, ad praefatum Consilium pertinet.

Mense novembri anni 1940 Magister Ethicae ac Moralis professionalis Scholae Periodismi (Schole Officialis Status) designatus fuit.

c) Spiritualis moderado

Multis praestantissimis personis, Actionis Catholicae dirigentibus aliarumque nationalium activitatum catholicarum ac culturalium moderatoribus, Universitatis magistris et alumnis, sacerdotibus immo et religiosis a spitualibus moderator exstat, quippe cui omnes assidue accedunt propterea quod eum virum dono consilii praeditum habent.

Exercitia atque spiritualis secessus dies Actionis Catholicae iuvenibus ac puellis saepe etiam moderavit: Caesaraugustae, Valentiae, Ilerdae, Vallisoleti, Legione, Abulae, Matriti, etc. Valentiae, ¡anuario 1941, Conventus Assistentium Ecclesiasticorum A.C. Spiritualis Moderator munere functus est.

Laborem moderatoris animarum non intermisit neque Opus Dei, ipso dirigente, ciara agere desivit, tempore dominationis marxistae (durante bello Hispaniae, 1936-1939), sub qua cum ipse tum su¡ discipuli acerbam passi sunt persecutionem. Cum autem in regionem regimini nationali subiectam audacter pervenire obtinuisset, vel per se vel per Opus suum animum erigere et auxilium afferre patienti seu praelianti studiosae iuventuti consecutus est. Quot itinera hinc inde per diversa praelü castra, febri saepe corresptus, ut spirituale Patris munus perageret, confecit!

d) Exercitia spiritualia

Alter indefessi apostolatus aspectus exstat labor a plurimis iam annis peractus, quo, Rev.mis Episcopis et Religiosorum Institutorum Superioribus postulantibus, multas exercitiorum spiritualium series sacerdotibus et religiosis moderavit. Quod etiam opus praestavit plurium Seminariorum alumnis. Hoc nempe ministerium apud dioeceses Legionensem, Abulensem, Segoviensem, Victoriensem, Pampilonensem, Matritensem-Complutensem, Valentinam, Ilerdensem, etc., nuper exercuit. Anno 1940 durante supra mille sacerdotes diversarum dioecesim apud eum exercitüs spiritualibus vacavere, inter quos et ipsi Rev.mi locorum Ordinarii nonnumquam interfuerunt.

3) DE EO EIUSQUE MINISTERIO IUDICIUM

Ipsius characteris insignes sunt animi vis necnon organizationis et gubernii dotes. Occulte ac sine strepitu transire; Ecclesiasticae Hierarchiae obsequentissimum se praebere: amorem erga Sanctam Matrem Ecclesiam atque Romanum Pontificem palam et privatim, verbo et scripto fovere sacerdotalis eius laboris peculiarissimum est sigillum.

Rev.mus Ordinarius Dioeceseos litteris 24 maii 1941 ad Rev.mum P. Abbatem Monasterii Montis Serrati, O.S.B., ita suam de P. Escrivá de Balaguer opinionem exprimebat:

"Dr. Escrivá exemplum sacerdotum est, a Deo in multarum animarum sanctificationem electus, humilis, prudens, abnegatus, Antistiti suo summe docilis, praeclari intellectus, firmissimae doctrinalis et spiritualis formationis, zelo ardentissimus, studiosae iuventutis christianae informandae apostolus, nihil aliud intendens nisi ad Patriae utilitatem et Ecclesiae servitium ac munimen professionalium phalangem disponere, qui etiam in mundo commorantes, non tantum sancte vitam agant sed etiam apostolico labor¡ indulgeant".

4) PUBLICATIONES

Edidit:

Consideraciones espirituales (Concae, 1934). Santo Rosario (Matriti, 1935).

Estudio histórico-canónico de la jurisdicción eclesiástica "nullius dioecesis" de la Il.ma. Sra. Abadesa del Monasterio de Santa María La Real de las Huelgas (Burgis, 1938).

Camino (Valentiae, 1939).

Operum "Santo Rosario" et "Camino" duae editiones iam prodidere, immo et tertia paratur opusculi "Santo Rosario".

Matriti, die 28 mense augusto, anno 1943.

+ CASIMIRUS, Ep.us Aux.

Vic. G.ralis

Indice del Apéndice Documental de “El itinerario jurídico del Opus Dei. Historia y defensa de un carisma”.

Volver al índice general de “El itinerario jurídico del Opus Dei. Historia y defensa de un carisma”.